ముద్ర

కెంపులు అరవంకలు
వడ్డాణపు నడుమొంపులు
కాలి అందియలలో ఇంపులు
కన్నులు, ఆ కాటుకలు
కురులు, పూలజడల అరమరికలు
అడుగులలో మయూరాలు
నడకలలో వయారాలు
చూపులలో సితారాలు
కుడి ఎడమల క్రీగంటి చూపులు
జతులు, గతులు, ఆ ముద్రలు
పదనిసలలో సరిగమల పలుకులు
అందె అందెలో గుండె సవ్వడులు
తకిట తకధిమి తకిట తకఝణులు
చేతి వేళ్ళలో ఎన్ని కమలములు
పరమపదములో ఎన్ని అర్ధములు
అలల కళలలో ఎన్ని మెరుపులు
సరస నడకలు, నడుము విరుపులు
ఇన్ని వెరసి నీ నృత్య భంగిమలు
నీ పాదములకే నా హృదయ సంపెంగలు